Аԥсны адәныҟатәи аусқәа рминистр Даур Ақаҩба Ареспублика Арцах адәныҟатәи аусқәа рминистр Масис Маилиан идиныҳәалеит аминистрра ашьаҭаркра амшныҳәа.

Манагуа, Сандинисттәи ареволиуциа 40-шықәса ахыҵра инамаданы аныҳәатә усмҩаҧгатәқәа рымҩаҧгара аҳәаақәа ирҭагӡаны, Аҧсны адәныҟатәи аусқәа рминистр Даур Ақаҩбеи Ареспублика Никарагуа Апрезидент Даниель Ортега реиҧылара мҩаҧысит.

Аԥсны адәныҟатәи аусқәа рминистр Даур Ақаҩба усутә визитла Ареспублика Никарагуа даҭаауеит Асандинисттә револиуциа 40-шықәса ахыҵра иазкны имҩаԥгахо ауснагӡатәқәа аҽрылархәразы.

Аԥсны адәныҟатәи аусқәа рминистрраҟны имҩаԥысит Аԥсны адәныҟатәи аусқәа рминистр Даур Ақаҩбеи УВКБ ООН Аԥсны иҟоу аофис анапхгаҩы Ардзун Шрестхеи ахҵәацәа рзы даниатәи ахеилак Аԥсны иҟоу аофис ахада Блерима Мухаксхерии реиԥылара. Аиԥылара иалахәын Аԥсны ақыҭанхамҩа аминистр Амиран Какалиа, Очамчыра араион ахада Гиви Допуа, Тҟәарчал араион ахада Аида Чачхалиа.

ОБСЕ Аԥсни Аахыҵ Уаԥстәылеи рганахьала Қырҭтәыла имҩаԥнаго аполитика иадгылоит, аимак аҭышәныртәалара иазырхоуп ҳәа иԥхьаӡаны, убри инамаданы ОБСЕ Апарламенттә ассамблеиа  Лиуксембург имҩаԥысуаз аилатәараҿы арезолиуциа аднакылеит «Аԥсны ауаҩытәыҩса ишәарҭадареи изинқәеи русхк аҟны аҭагылазаашьа» аҵаркны.

Ԥхынгәы  5  2019 шықәса рзы Аԥсны Аҳәынҭқарра адәныҟатәи аусқәа рминистрра анапынҵа ҷыдақәа змоу Ацҳаражәҳәаҩ Вито Гриттани Италиа иҟоу  Боливариантәи ареспублика Венесуела Ацҳаражәҳәарҭа ааԥхьарала Боливариантәи ареспублика Венесуела 208-шықәса ахыҵра  аныҳәамш далахәын.

Аԥсны Аҳәынҭқарра адәныҟатәи аусқәа рминистрра Боливариантәи ареспублика Венесуела адәныҟатәи аусқәа рминистррахь адныҳәаларатә шәҟәы нанашьҭит ахьыԥшымра Амш инадҳәаланы.

Аԥсны, Аахыҵ Уаԥстәыла, Қырҭтәыла, Урыстәыла, Еиду аштатқәа рхаҭарнакцәа ООН, ОБСЕ, ЕС реицхантәаҩрала имҩаԥыргеит Женеватәи аиҿцәажәарақәа  48-тәи рраунд 2019 шықәса ԥхынгәы 2-3 рзы.

Аԥсны адәныҟатәи аусқәа рминистрраҿ азхьаԥшра арҭеит Қырҭтәыла Аиашахаҵара Апарламентбжьаратә Ассамблеиа  26-тәи аилатәараҿ аҭыԥ змаз ахҭыс. Асессиа аусура иалахәын МАП алахәыла-тәылақәа 25 рхаҭарнакцәа.

Изаамҭанытәиу Женеватәи аиҿцәажәарақәа 48-тәи рраунд мҩаԥысраны иҟоуп ԥхынгәымзазы. Уи аламҭалазы  Аԥсны Адәныҟатәи аусқәа рминистр Даур Ақаҩба, Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа рыцхантәаҩцәа дырԥылеит. Уи аиԥылара мҩаԥысуан рашәара 12 рзы.

Аԥсны адәныҟатәи аусқәа рминистр Даур Ақаҩба Урыстәыла адәныҟатәи аусқәа рминистр Сергеи Лавров Урыстәыла Амш идиныҳәалеит.

Рашәара 2 - 3 рзы Шәачеи Новороссииски абаӷәазақәа рҟны имҩаԥысит акруизтә лаинер «Князь Владимир» аҿы урысәыла-аԥснытәи аусбарҭабжьаратә усутә комиссиа аиԥылара. Аиԥылараан ирылацәажәан Урыстәылеи Аԥсни рыбжьара амшын-пассаџьыртә еимадара азҵаарақәа.

Аԥсны адәныҟатәи аусқәа рминистр Даур Ақаҩба зхадараҿы дыҟоу Аԥсны Аҳәынҭқарра аофициалтә делегациа Ареспублика Арцах иҟоуп. Аделегациа аилазаара иалахәуп: ареспублика аерманцәа руаԥшь ахантәаҩы Галуст Трапизониан, ауаажәларратә усзуҩ Валери Маиромиан.

Аԥсны Аҳәынҭқарра Адәныҟатәи аусқәа рминистрра Шьамтәылатәи арабтә республика Адәныҟатәи аусқәа рминистррахь адныҳәаларатә шәҟәы ашьҭит Аԥсны Аҳәынҭқарреи Шьамтәылатәи арабтә республикеи рыбжьара адипломатиатә еизыҟазаашьақәа рышьақәгылара шықәсык ахыҵра инадҳәаланы.

Лаҵара 28 2019 шықәса рзы Боливариантәи Ареспублика Венесуела иҟоу Аԥсны Аҳәынҭқарра азинмчнаӡа змоу Ацҳаражәҳәаҩ Заур Ӷәаџьаа Боливариантәи Ареспублика Венесуела адәныҟатәи аусқәа рминистрра ааԥхьарала иҽалаирхәит «Африка амшныҳәа» амҩаԥгара.

Аԥсны адәныҟатәи аусқәа рминистр Даур Ақаҩба Аахыҵ Уаԥстәыла Адәныҟатәи аусқәа рминистр Дмитри Медоев  адныҳәаларатә шәҟәы изишьҭит Аахыҵ Уаԥстәыла Адәныҟатәи аусқәа рминистрра шьаҭаркуижьҭеи 27 шықәса ахыҵра инамаданы.

Аԥсны Адәныҟатәи аусқәа рминистрра Аахыҵ Уаԥстәыла адәныҟатәи аусқәа рминистррахь адышшыларатә шәҟәы нанашьҭит Зартәи арыцҳара 27 шықәса ахыҵра амш инадҳәаланы.

Лаҵара 17 рзы Аԥсны Адәныҟатәи аусқәа рминистрраҿы Аԥсны Адәныҟатәи аусқәа рминистр Даур Ақаҩба  идикылеит Аԥсны иҟоу  Аахыҵ Уаԥстәыла Ацҳаражәҳәаҩ Олег Боциеви Аԥсны иҟоу Приднестровиатәи Молдавиатәи ареспублика Ахаҭарнакра ахада Гарри Кәыпалбеи.

Аԥсны адәныҟатәи аусқәа рминистр Даур Ақаҩба Аахыҵ Уаԥстәыла Адәныҟатәи аусқәа рминистр Дмитри Медоев  адныҳәаларатә шәҟәы изишьҭит.

Лаҵара 12 рзы Аԥсны адәныҟатәи аусқәа рминистр Даур Ақаҩба Лугансктәи Жәлар рреспубликахь днеиит, ареспубликаҿы имҩаԥысуаз аныҳәаәт уснагӡатәқәа иҽрылаирхәырц.