Ажәабжь ҿыцқәа
05.11.2025 172
Аспортсменка Софиа Боџьгәуа абҵарамза 12 инаркны 14 рҟынӡа Пекин имҩаԥысраны иҟоу жәларбжьаратәи атурнирқәа – «Небесная грациеи» Beijing Top Open - 2025 дрылахәхоит. Уи уахь Аԥсны Аҳәынҭқарра асахьаркыратә гимнастика Афедерациа ддәықәнаҵоит.
Аԥсны Аҳәынҭқарра адәныҟатәи аусқәа рминистрра Аԥсны Аҳәынҭқарра иҟоу Урыстәылатәи Афедерациа Ацҳаражәҳәарҭахь жәлар ракзаара Амш инамаданы адныҳәаларатә шәҟәы нарышьҭит.
Аԥсны Аҳәынҭқарра адәныҟатәи аусқәа рминистр Олег Барцыц Урыстәылатәи Афедерациа адәныҟатәи аусқәа рминистр Сергеи Лавров амилаҭтә ныҳәа, жәлар ракзаара Амш инамаданы адныҳәаларатә шәҟәы изишьҭит.
Никарагуа иҟоу Аҷыдалкаатә зинмчы змоу Палестина Аҳәынҭқарра ацҳаражәҳәаҩ ҿыц Маџьид Заки Абу аль-Ҳава Никарагуа иҟоу Аҷыдалкаатә зинмчы змоу Аԥсны Аҳәынҭқарра ацҳаражәҳәаҩ Инар Ладариа ҳаҭырла диҭааит.
29.10.2025 222
Аԥсны Аҳәынҭқарра Адәныҟатәи аусқәа рминистр Олег Барцыц Москваҟа аусуратә ҭаара мҩаԥигоит. Ауснагӡатә аҳәаақәа ирҭагӡаны имҩаԥгахоит Урыстәыла аҳәынҭқарратә мчрақәа рхаҭарнакцәа рԥылара.
25.10.2025 143
Жьҭаара 23-28 рзы Москва имҩаԥысит VIII Адипломатцәа ҿарацәа рфорум "Аиааира адипломатиа". Аусмҩаԥгатә азкын жәлар рдипломатиа 100 шықәса ахыҵра, имҩаԥысит Россотрудничествои Урыстәыла Адәныҟатәи аусқәа рминистрра адипломаттә академиеи рыцхыраарала.
24.10.2025 121
Жьҭаара 24 рзы Аԥсны иҟоу Никарагуа ҳаҭыр зқәу Аконсулраҿы ҳаҭыр зқәу аконсул Алиас Ҳашба Никарагуатәи Афонд «Инканто» (Никарагуатәи авокалтә институт) ахапанагӡаҩ хада, Алиса Гыцба имҩаԥылго Жәларбжьаратәи амузыкатә еицлабраҿы "Амузыка – дгьыли ҳәааи зыбжьам адиалог" аҟны аԥхьахәқәа ҩба занашьахаз Катерина Веласкес дылԥылеит.
Никарагуа иҟоу Урыстәыла Ацҳаражәҳәарҭа ааԥхьарала, Никарагуа иҟоу аҷыдалкаатә зинмчы змоу Аԥсны ацҳаражәҳәаҩ Инар Ладариа жәларбжьаратәи авидеоконференциа "Лугансктәи Жәлар Рреспублика ахақәиҭтәрахь амҩа" далахәын.
Жьҭаара 23 рзы Р. Гәымба ихьӡ зху Аԥснытәи аҳәынҭқарратә филармониа аҿы Алиса Гыцԥҳа напхгара ззылуа IV Жәларбжьаратәи амузыкатә аицлабра-лабораториа «Амузыка – дгьыли ҳәааи зыбжьам адиалог» аҿы аиааира згаз аԥхьахәқәа ранашьара аныҳәатә церемониа мҩаԥган.
Аԥсны адәныҟатәи аусқәа рминистр Олег Барцыц, Алиса Гыцԥҳа еиҿылкааз IV Жәларбжьаратәи амузыкатә еицлабра-лабораториа «Амузыка – дгьыли ҳәааи зыбжьам адиалог» аҿы аԥхьахәқәа рыҭара аныҳәатә церемониеи агала-концерти рҿы иқәгылара.
23.10.2025 153
Жьҭаарамза 23 рзы Р.Гәымба ихьӡ зху Аԥснытәи аҳәынҭқарратә филармониа аҿы Алиса Гыцԥҳа еиҿылкааз IV Жәларбжьаратәи амузыкатә еицлабра-лабораториа «Амузыка – дгьыли ҳәааи зыбжьам адиалог» аҿы аиааира згаз аҳамҭақәа ранашьара ацеремониеи агала-концерти мҩаԥысит.
22.10.2025 166
IV Жәларбжьаратәи Алиса Гыцԥҳа лмузыкатә еицлабра-лабораториа аҳәаақәа ирҭагӡаны жьҭаара 22 рзы имҩаԥысит аицлабра ахԥатәи атур (хаҭалатәи аӡырҩрақәа) аоркестр ацны. Никарагуатәи Афонд «Инканто» ахапанагӡаҩ Катерин Веласкес аноминациа «Аоператә шәаҳәара» далахәын.
21.10.2025 228
2025 шықәса жьҭаара 21 рзы Аԥсны адәныҟатәи аусқәа рминистр Олег Барцыц Аԥсны жәлар рартистка, Урыстәыла зҽаԥсазтәыз артистка, Жәларбжьаратәи амузыкатә еицлабра-лабораториа «Амузыка – дгьыли ҳәааи зыбжьам адиалог» адиректор Алиса Гыцԥҳаи Никарагуатәи Афонд «Инканто» (Никарагуатәи авокал аинститут) ахапаҳәаҩы Катерин Веласкеси дырԥылеит.
Алиса Гыцԥҳа илаԥшьгамҭоу Жәларбжьаратәи аицлабра-лабораториаҿы Афонд "Инканто" ахапанагӡаҩ Катерин Веласкес лалахәхара инадҳәаланы имҩаԥысуаз апресс-конференциа Никарагуа иҟоу Аԥсны азинмчнагӡа змоу ацҳаражәҳәаҩ Инар Ладариа иҽалаирхәит Никарагуа Аоператә шәаҳәара афонд "Инканто" анапхгаҩцәа Лауреано Ортегеи Елис Пикадои рнаԥхьарала.
Жьҭаарамза 20 рзы Аԥсны Аҳәынҭқарра адәныҟатәи аусқәа Рминистрраҿы Адәныҟатәи аусқәа рминистр Олег Барцыц анапынҵа ҷыдақәа змоу Аԥсны Аҳәынҭқарра адәныҟатәи аусқәа Рминистрра ацҳаражәҳәаҩ Аизек Кумессин диԥылеит. Аиԥылара далахәын адәныҟатәи аусқәа рминистр ихаҭыԥуаҩ инапынҵақәа назыгӡо Иракли Ҭыжәба.
Жьҭаара 17 рзы Аԥсны Аҳәынҭқарра адәныҟатәи аусқәа Рминистрраҿы адәныҟатәи аусқәа рминистр ихаҭыԥуаҩ Одиссеи Бигәааи Аладатәи ашәарҭадареи аҭышәынтәалареи ирызку Жәларбжьаратәи аиҿцәажәарақәа рыцхантәаҩцәеи русуратә еиԥылара мҩаԥысит. Аусмҩаԥгатә рхы аладырхәит ЕС аҟынтәи ацхантәаҩ Магдалена Гроно, ОБСЕ аҟынтәи ацхантәаҩ ахантәаҩы Кшиштоф Ернст Спети, аиҿцәажәарақәа рҿы ООН ахаҭарнак инапынҵақәа назыгӡо Хаилу Мамо. Аԥсуа ган аҟынтәи аиҿцәажәарақәа ирылахәын: Аԥсны адәныҟатәи аусқәа Рминистрра аусзуҩцәа – Артур Гагәылиа, Лаша Аҩӡба.
Аԥсны Аҳәынҭқарра адәныҟатәи аусқәа рминистр Олег Барцыц аполитикатә партиа «Амцахара» аветеранцәеи алахәылацәеи ирыдиныҳәалеит апартиа 25 шықәса ахыҵра арыцхә.
09.10.2025 397
Еидҵоу Амилаҭқәа Реиҿкаара ауаҩытәыҩса изинқәа рзы Ахеилак арезолиуциа “Қырҭтәыла аус ацура” адкылареи, уи ашьҭахь Британиа Ду ахаҭарнакцәа иҟарҵаз аҳәамҭеи Аԥсны Аҳәынҭқарреи Урыстәылатәи Афедерациеи рыхьӡ аицакра аполитикатә спектакль иахәҭакуп.
2025 шықәса жьҭаара 6 рзы Боливариатәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Ареспублика Гондурас Ацҳаражәҳәарҭа ааԥхьарала, Гондурас аруаҩ Имши аинрал Франсиско Моразан имширеи разгәаҭара далахәын.
2025 шықәса жьҭаара 4 азы, Ареспублика Никарагуа иҟоу Ареспублика Гондурас Ацҳаражәҳәарҭа ааԥхьарала, Ареспублика Никарагуа иҟоу Аԥсны Аҳәынҭқарра ацҳаражәҳәаҩ Инар Ладариеи аминистр-иабжьгаҩ Алиас Аибеи америкагәҭантәи ахьыԥшымра афырхаҵа, аинрал Франсиско Моразан иира 233 шықәса ахыҵра иазку аныҳәатә уснагӡатә иалахәын.